Gyda hyn bydd y Cyngor yn mynd ati i wneud gwaith gwella sylweddol ar y cyfleusterau lansio cychod ym Mhorth Llechog a hynny fel rhan o Brosiect Amgylchedd Arfordirol Ynys Môn.
Fel rhan o’r gwaith byddwn yn rhoddi sylw i’r cyfleusterau lansio, y wal fôr, stepiau i lawr, amddiffyniad rhag llifogydd a llecyn i eistedd.
Mae’r Cyngor trwy hyn yn rhoddi rhybudd i berchenogion cychod a threlars sy’n cael eu storio yn y maes parcio y bydd raid i ni wneud defnydd dros dro o ryw hanner y maes parcio i bwrpas gosod cabanau’r contractwyr yno tra bydd y gwaith. Bwriedir dechrau ar y gwaith erbyn diwedd Ionawr 2010 a bydd wedi’i gwblhau erbyn diwedd Mai 2010.
Bydd raid aildrefnu’r cychod a’r trelars i glirio’r ardal a diolch i chwi ymlaen llaw am bob cydweithrediad. Felly mae’r Cyngor yn gofyn i bob perchennog cwch / trelar sydd yn y maes parcio gysylltu gyda’r Adain Arforol Cyngor Sir Ynys Môn erbyn 8 Ionawr, 2010 i wneud unrhyw drefniadau angenrheidiol.
Os ydych yn dymuno rhagor o wybodaeth ynglyn â’r gwaith yma, cysylltwch gyda: Swyddog Arforol - 01248 752320
